發表文章
妹妹: 妳呢幾日成日陪電腦多過陪我喎!
我 : 鬼叫丫烏咩!
妹妹: 丫烏我都好驚呀!
我 : 係電腦既丫烏呀! 佢遲d摺埋唔做呀!
妹妹: 咩咁麻煩架!
我 : 係囉! 所以又要重新學過呀!
妹妹: 咁妳咁蠢咪有排學!
我 : 妳咁叻妳幫我整啦......
一收到丫烏要摺埋既消息, 真係唔開心咗幾日呀! 惟有盡快搵契女大哥哥幫手整備份啦! 依家新環境未熟, 要重新學習呀! 早幾日上契女屋企搞電腦備份, 專登焗兩底蛋榚, 契女媽, 契女同二哥哥哥每人食三大件, 仲話好鐘意食, 真係超級俾面啦! 另外再買半邊鵝同叉燒, 契女媽負責炒菜同煮飯, 真係要唔該晒大哥哥幫手呀!
上圖尖椒同呢碗節瓜粉絲蝦米係老公負責煮架! 下圖碗日本南瓜加蕃薯糖水就梗係我整架啦! 最近對住部腦係咁研究, 對眼真係近視加深唔小呀! 今晚都係唔好對咁耐, 要早D休息呀!
我都覺得對眼近排好攰，為左搞搬電腦嘅事，真係搞到頭都出煙，時不時都要請教朋友同網友，真係好煩呢！
回覆刪除我都唔明呀! 所以都係搵人備份先, 依家再慢慢自己摸索中呀~
刪除整個訂閱icon, 等我知道你有新blog出
回覆刪除唔識點整呀~ 頭都大呀~
刪除E...細B細佬CALBEE，係咪在「版面配置」裏，新增小工具呢?
刪除如果係，LEE LEE，你可以在這個blog最頂的右上角，有一個「設計」的字樣，按進去，就入了去個blog的設定，然後在左手面找找「版面配置」，按進去，會見到右面出現了一個圖，就是你個blog的版面配置，然後在你想要的位置「新增小工具」，它會提供選擇給你，試下，我個Blog都加了這個訂閱的小欄位，輸入你的電郵，就會話你知我出新blog
為左整尼個新BLOG, 我都係日日對住個電腦, 就快唔洗做野啦^^
回覆刪除係呀!到依家都係唔多明解呀~
刪除我未試過日本南瓜加蕃薯糖水, 下次試吓先 ;)
回覆刪除兩樣我都好鐘意架~
刪除我都係覺得好痛苦，我岩岩先將呢到set到同yblog一樣樣咋!
回覆刪除妳都好叻呀! 我都唔識自己set呀~
刪除啲相太細了, 放番大佢啦
回覆刪除我d相好細呀? 想問應該點放大呀! 麻晒妳呀~
刪除我媽媽未又係成個星期痴住陪電腦唔得閒陪我玩呢~!!去你度留言要打驗証碼好麻煩 , 教你改咗佢 , 去Blogger按設定>文章和留言>顯示字詞驗証>按"否" 咁就完成了~!!
回覆刪除真係唔該晒呀! 跟妳方法整咗啦! 唔知ok嗎~
刪除搵到妳太好啦!
回覆刪除我都好掛住妳同大家架!
刪除我家下都未用慣BLOGSPOT 個留言版~唔鬼好用咁
回覆刪除我都係咁話，個blog功能多，但係轉來轉去...好頭暈..
刪除我都唔多明呀! 每日抽D時間慢慢摸, 但到依家仲係一頭煙~
刪除我是夢媽，呵呵
回覆刪除找到你了~~
個blog好難用...
http://busueyip.blogspot.hk/
Hi!又碰面真係好啦! 真係好難明呀! 要慢慢摸呀!
刪除報到!
回覆刪除新屋真係好難搞@@
Hi! 旅行返來契B係咪好開心呀! 每晚都係度搞間新屋, 但到依家仲唔多明呀!
刪除嗚~~~~我仲未搞掂呢個blogspot呀~~~~救命!!
回覆刪除我到依家到係半桶水, 真係頭都大呀~
刪除妳個契女好靚女呀
回覆刪除係呀!佢由細到依家都靚架, 如果唔係都唔契呢~
刪除哎呀搬blog 搬到頭都暈 , 咦.... 日本南瓜加蕃薯糖水好正呀,請埋我食吖.
回覆刪除係呀! 妳逐篇人手搬, 好犀利呀! 想問駛唔駛發佈架! 唔該呀! 請兩碗妳食都得呀!
刪除