網頁

2015年1月2日 星期五

新年快樂!


新年第一篇文, 首先祝大家新年快樂! 身體健康! 開開心心!

真係好耐冇見大家啦! 原來都有三個月有多呢! 幾個原因, 第一係工作太忙, 第二係電腦成日俾人霸住, 第三主要原因其實係一個字, 冇錯.....就係  懶! 搞到大家好掛住妹妹, 真係sorry呢!

妹妹呢張新年卡靚唔靚女呀?


早前連續返工15日, 冇得休息, 天氣又時凍時熱, 終於係上星期打敗仗大傷風. 呢幾日有得休息, 真係太開心啦! 之前應承契女整餅佢食, 昨日整兩底New York cheese cake, 一底細既自己食, 另一底今日送咗俾契女. 希望佢地鐘意食啦!  
                                                       

每次換床單被套, 妹妹一定第一時間幫手架, 係幫手搞搞震呀!

呢張似唔似保齡球樽?

例牌每次開飯都會有佢份.



早排買咗樽栗子醬, 試下用來焗麵包, 原來效果都唔錯, 真係好玩又好食!


最近天氣真係好凍呀! 大家要小心保暖, 唔好見咁好陽光就唔著多件衫呀! 下次再傾.

2014年9月17日 星期三

病貓

好耐冇見大家啦! 因為真係好忙呀! 早兩星期連續返工14日冇休過息呀! 原本昨日都要返工, 但妹妹唔舒服, 所以臨時請假要陪妹妹睇醫生呀! 話說前晚食晚飯, 妹妹又習慣性跳上椅睇我地食咩, 老公突然話點解妹妹條頸咁腫既, 我仲話唔係, 佢肥就真, 但再望真d, 真係見到左頸腫腫地, 摸下仲感覺似粒波子咁大. 到第二日又打8號風唔可以一早掛號睇醫生, 終於下午1點先有人聽電話, 約下午4點睇, 靚女醫生同佢探熱, 檢查都好乖, 之後話有三個可能性, 淋巴炎, 囊腫同腫瘤, 要用針抽, 如果有血水, 發炎就多數係第一二, 如果抽唔到任何嘢, 就多數係腫瘤. 好彩醫生同佢抽到紅紅地色既液體, 即時打一支抗生素針, 今日開始要連食7日抗生素藥. 醫生同姑娘個個都讚妹妹好乖, 完全冇反抗, 喵都冇喵一聲, 仲乖過好多狗狗, 讚佢good girl同excellent呀! 貓貓們有事真係好擔心呢!



 昨日坐的士時都算乖, 只係喵咗幾聲, 可能佢喉嚨腫咗所以唔亂叫啦!

今年中秋學人玩下冰皮月餅, 自己整粟子同芋蓉兩款口味. 第一次整都算ok啦! 自己覺得唔夠幼滑, 但呀妹同朋友仔們就讚好好食, 好有口感喎! 佢地認真俾面就真.

呢餐中秋節餐中西合壁, 有白汁松露同蕃茄意大利粉, 炸鶢翼, 羊扒, 和牛, 鮑魚冬茹煲, 糖醋蝦, 飯後甜品芝士豆腐蛋糕,  呀妹男友又提供靚紅酒, 係咪好豐富呢!


呢碗冬瓜盅相粒磨茹相笑得好開心, 真係好可愛呀!

原來想送部手機俾老公做生日禮物, 點知反而老公睇唔啱心水唔肯換, 仲叫我換部大d, 不過大d煲劇又真係清好多呢!

呀大成日讚盒裝喇沙麵好好食, 上次送三盒俾我, 呢盒咖哩味又真係唔錯.

咁耐冇見妹妹, 送多兩張大家欣賞.


昨晚同今晚既晚餐, 妹妹昨日睇完醫生打咗針, 掛住瞓覺覺都唔陪我地食飯, 到宵夜食糖水時先肯應酬下俾我影相, 到今晚心情好d肯陪我地食飯啦!

2014年7月28日 星期一

樣衰衰

妹妹: 喵~ 我準備瞓覺覺豬啦! 妳仲影咩呀!
我    : 影底妳個衰樣呀!
妹妹: 我個樣一d都唔衰架!
我    : 咁仲話唔衰, 想偷偷地入被瞓!
妹妹: 鬼叫妳開到個冷氣咁大咩! 冷得我滕滕震呀!
我    : 妳咁多毛毛都唔怕凍啦!
妹妹: 咁人地鍾意張被被吖嗎!
我    : 咁即係唔怕凍啦...

又試好耐唔見大家啦! 最近好多人都話妹妹肥咗, 咁大家幫下眼睇下係唔係啦!

圖1~呢張準備攬實被被瞓覺豬相, 個肚成個波波咁!


圖2~四腳朝天呢張又好似冇咁肥!

圖3~上次個箱太細, 根本冇法轉身, 今次轉個靚箱都係唔係好夠瞓!


唔好話妹妹肥咗! 我自己知自己事, 最近真係肥咗巧多呀! 主要原因係食得太多, 個胃越食越大唔肥就怪啦! 另外又小咗行圈, 呢兩個星期開始一放假都會去行下, 今日老公放工都陪佢一齊行咗三公里有多架! 肥得有道理既証據如下:

焗咁大個香蕉蛋榚

兩人食咁多件壽司?

大大件和牛扒!

呢餐正常d, 梅菜肉餅係契女媽整既. 皮旦芫茜魚片湯, 菜心.

羅宋湯加牛腩煲係好飲又好食, 但都幾肥呢!

飲淨咁多羅宋湯, 再加燒鶢pizza咪肥加肥囉!

原本蒸魚同草菇生菜算, 但睇完吾淑吾食教整炆五花腩, 不過都係炆定第日食既!

冬瓜魚湯加肉餅都正常既!

炒麵加菜乾粥, 都唔係好肥呀?

13號係契女生日, 12號又到舊年尖沙咀Town gas食半自助餐. 今年特別開心有呀妹同呀大一齊慶祝, 契女今年收到好多禮物, 呀大封大利是, 呀妹就送10件精品, 件件契女都好鐘意, 不過要數第一位最鐘意既禮物, 契女好識做話梗係契媽個份, 大家睇到佢頭上戴住個蝦蟆kitty吊咀嗎? 午餐後成班又柴娃娃睇馴龍記2, 晚餐同呀大係加拿大回港既好友一齊食. 到13號正日, 契女又邀請我同契爺上佢屋企開大食會慶祝. 連續兩日都過得超開心呢!





今日開始連放8日假, 一於利用呢幾日唔好食咁多, 日日都外出多d運動. 大家等我下次報告有冇減返小小啦!

2014年7月3日 星期四

小花13歲生日

妹妹: 我好嬲嬲呀!
我    : 又做咩事呀!
妹妹: 妳做錯嘢都唔知!
我    : 妳唔講我點知呀!
妹妹: 妳淨係記得小花生日, 唔記得我生日呀!
我    : 係喎! 又真係唔記得咗喎!
妹妹: 咁快d諗下點樣同我補祝生日啦!
我    : 一陣開罐罐俾妳食補數啦!

話咁快小花又大一歲啦! 今年6月30日就係小花13歲生日. 希望小花健健康康, 開開心心!


妹妹原來都已經三歲啦! 不過4月份完全唔記得同妹妹慶祝呢! 睇下妹妹學契女擺個淑女pose, 同橙橙, 花花草草同紙箱影相, 係咪都幾靚女呢!




朋友介紹呢隻包包唔錯, 所以又買兩包玩下, 效果又真係唔錯.

最近妹妹好懶, 成日坐定定係地, 唔係好鐘意做御用開飯model. 老公話佢好醒, 知我一拎起手機想影相, 佢走避開鏡頭唔肯影. 所以大家睇住遠鏡妹妹先.


大家都知我成日講我係好鐘意食魚魚, 今日睇返相, 發覺十張有九張都係食魚, 唔信! 大家一齊睇下啦!






呢份係吞拿魚治, 都係魚呀!

外賣都要買三文魚頭.

就算一人晚餐都心思思煎小小三文魚骨腩食架!






今次又傾住咁多先, 下次再見~~