我 : 又做咩事呀!
妹妹: 妳做錯嘢都唔知!
我 : 妳唔講我點知呀!
妹妹: 妳淨係記得小花生日, 唔記得我生日呀!
我 : 係喎! 又真係唔記得咗喎!
妹妹: 咁快d諗下點樣同我補祝生日啦!
我 : 一陣開罐罐俾妳食補數啦!
話咁快小花又大一歲啦! 今年6月30日就係小花13歲生日. 希望小花健健康康, 開開心心!
妹妹原來都已經三歲啦! 不過4月份完全唔記得同妹妹慶祝呢! 睇下妹妹學契女擺個淑女pose, 同橙橙, 花花草草同紙箱影相, 係咪都幾靚女呢!
朋友介紹呢隻包包唔錯, 所以又買兩包玩下, 效果又真係唔錯.
最近妹妹好懶, 成日坐定定係地, 唔係好鐘意做御用開飯model. 老公話佢好醒, 知我一拎起手機想影相, 佢走避開鏡頭唔肯影. 所以大家睇住遠鏡妹妹先.
大家都知我成日講我係好鐘意食魚魚, 今日睇返相, 發覺十張有九張都係食魚, 唔信! 大家一齊睇下啦!
呢份係吞拿魚治, 都係魚呀!
外賣都要買三文魚頭.
就算一人晚餐都心思思煎小小三文魚骨腩食架!
今次又傾住咁多先, 下次再見~~
日日都好好餸呀,平時好少見你放小花嘅相片出黎嘅
回覆刪除我想問下,冰糖係咪好過片糖同白糖?
刪除小花怕咗妹妹, 所以成日匿係房好小出廳. 平時我用片糖較多, 聽人講片糖有益d, 白糖真係最無益架~
刪除片糖是紅糖,比較補,所以夏天整糖水多數用冰糖,白沙糖呢,製作時加了一種化學物質(在成份那欄會寫埋),所以無咁有益,要買沙糖,可以買純淨的那種,但是就貴D...
刪除哦,因為我係雜誌見到檸檬4-6個,冰糖一包,白醋一支,浸最少2星期,要用咁多冰糖,所以我想知冰糖健唔健康囉
刪除嘩...次次看你的文,都有咁多野食....流口水
回覆刪除最鐘意的是鷄蛋番茄那味 : _)
好少見花花上鏡,妹妹唔好呷醋啦~~
其實最近較忙已經小咗煮飯, 好多時都係老公負責架~ 花花成日匿係房, 所以較小同佢影相.
刪除影多D花花嘛,佢咁可愛~~~
刪除我都想呀! 但佢成日係個櫃度唔多出來, 所以好難影呢~
刪除妹妹又係幾靚女嘅
回覆刪除多謝晒妳咁識欣賞佢呢~~
刪除小花,生日快樂,鍾意食魚咪好囉,食魚有益呢,妹妺做厭咗呢份工啦唔通﹖
回覆刪除多謝晒呀~ 今晚咁啱又係魚肉釀青椒呢~ 妹妹最近罷工呀~
刪除小花要開開心心, 貓體健康!!!
回覆刪除多謝晒妳呀~~
刪除小花,生日快樂! 健康活潑! 原來小花同我家Mocha一樣大!
回覆刪除多謝晒呀!依家最希望佢地身體健健康康,開開心心。
刪除我都係好鍾意食魚架,真係志同道合喇!
回覆刪除係呀~我似老豆, 佢餐餐都要食魚架~
刪除小花唔似13歲喎,仲係好靚女
回覆刪除不時小花真係好少出嚟呀?
係呀! 佢個樣仲好少女feel架! 佢真係怕咗妹妹, 依家成日係個櫃入面, 係老公同佢梳毛時佢最鐘意, 先會跳出來一陣.
刪除見返妹妹喇~~
回覆刪除依然咁靚女^^
Hi~真係好耐唔見呢~ 妹妹話多謝晒妳讚佢靚呀~
刪除我好多時為了帶飯返工,會避免買魚(我覺得魚翻叮會好腥),所以好少買魚食,不過無論咩魚,祇要夠新鮮,我都愛吃。
回覆刪除小花原來咁大年紀,又睇唔出,真系童顏XDDD
咁又係, 帶飯真係唔係幾好帶魚類. 小花唔覺已經咁大, 有佢地陪伴真係好開心架~
刪除小花13歲......保養得宜,皺紋都無條......
回覆刪除happy birthday to 小花:)
多謝晒呀! 佢個樣仲呃得下人架!
刪除咁快13歲啦,仲好小女孩樣wo
回覆刪除好多款魚呀,我又要食
真係好快呀!原來係舊屋搬咗有13年,小花係臨搬屋前幾日係公園執,就跟我地一齊搬新屋。
刪除Happy Birthday 小花!祝身體健康!
回覆刪除菠蘿包好似樣呀!
多謝晒呀!呢款包包又真係唔錯架!
刪除小花補祝你生日快樂~身體健康, 成日有好野食
回覆刪除多謝晒呀!佢依家好鍾意貓零食,所以成日要買俾佢食。
回覆刪除要多D影下小花,佢都好靚女
回覆刪除