熱辣辣

妹妹: 這晚我熱辣辣. Yeah~

我    : 妳咁叻識唱呢隻歌既

妹妹: 唔只呢隻架! 我 d 熱情, 好像一把火! 燃燒了整個沙漠...

我    : 犀利喎! 仲有冇呀!

妹妹: 熱咖啡! 為你斟! 為你....

我    : 仲有呢!

妹妹: 妳估我賣唱咩! 我提妳咁熱, 好快d開冷氣呀!

我    : ........

哈哈哈! 妹妹係咪好醒呀! 呢幾日真係熱到飛起, 日日好早就要開冷氣啦! 早前鬆糕感謝節同一塊田大減價, 大家有冇去掃貨呀? 我就連續返鬆榚六日再幫一塊田五日, 足足忙足11日, 呢幾日可以休返幾日息, 真係爽呀!

原來契女同我一樣都鐘意食乳鴿, 每人一隻食完真係超滿足! 

第一次係太古呢間飲茶, 可能有新鮮感, 款款都覺得唔錯幾好味架!

母親節應承呀大囡囡, 幫佢買蛋榚同食飯慶祝, 有靚靚羊扒同牛扒, 仲有呀大煲既花膠響螺湯.

最近榴槤當造, 成日都忍唔住買, 每次都係自己食晒, 食完又熱氣, 所以打返杯沙冰解下熱都唔錯.

呀大好開心打電話話中咗六合彩, 等我鬼死咁開心以為中好多, 原來係中六百幾元, 不過有得中都好叻叻, 所以呀大約大家昨晚食晚飯慶祝!

盒士多啤梨又大粒又甜, 連妹妹見到紅卜卜都覺得好靚!

 又係簡單既一餐, 菜乾粥配粉卷同鷄包仔.

同契女媽每人買一大條牛脷, 跟足肥媽巴方法整, 先用高速30分鐘, 再 加配菜炆.

大家有冇睇來自星星的你呢! 妹妹都扮下貓星人跟下潮流先得!

每次換被套或床單, 都一定有佢份幫手....攪亂檔.

27號放假, 同契女媽食早餐再一齊買菜, 太耐冇住家飯食又特別掛住魚魚, 所以就蒸黃骨魚同魚香茄子.

 28號放假, 同妹妹洗白白, 洗完係咪白雪雪呢?

29號夜假早餐, 豬柳蛋麵配咖啡.

30號即係今日都係放假, 無無聊聊去聯和墟午餐, 之後去上水, 見芒果靚屋企有材料, 一於開工整下布甸, 明白可以派街坊啦!

賣萌

妹妹: 又試靜鷄鷄偷影我啦!
我    : 妳個樣夠得意丫嗎!
妹妹: 係呀! 我仲好萌架!
我    : 點解妳咁醒識得個萌字既!
妹妹: 最近睇電視多,成日聽人講啦!
我    : 咁妳又真係好賣萌既!
妹妹: 吓! 可以賣架! 咁值幾多錢呀!
我    : 一蚊鷄咁多啦!

大家睇下, 妹妹真係好鐘意睇電視架! 所以真係學到好多嘢架!

初十係農曆生日, 同朋友食豬手麵, 買個蛋榚上契女屋企慶祝一下. 契女媽送幾磅青梅, 一於用來浸梅酒, 要等半年後先有得飲. 唔知用日本清酒浸係唔係真係會好味d既呢!

今年又有一蚊鷄, 同老公兩人食一隻半都係1.5元, 真係超抵呀!

最近鐘意帶便當, 呢個鯖魚沙律又方便又好味!

呢餐飯由老公負責煮, 簡簡單單有菜有肉有湯都唔錯架!

是日推介有花膠湯, 梅菜肉餅, 炒青瓜

放假無聊又想食彼得包, 今次個個都好似吹氣球咁漲卜卜咁, 真係好玩又好食呀!

呢個沙律係跟吾淑吾食方法整, 加蝦仁真係好好味. 外賣四件炸鷄咁又係一餐啦!

今日精選有青紅蘿蔔湯, 倉魚, 燻肉炒四季豆.

 我又煲電視啦! 雀雀真係好靚呀!

呢個早餐一定唔係我整. 不過老公自己都話食公仔麵開始厭, 聽見佢咁講實在太開心. 唔駛成日陪佢食麵, 可以食下第二d啦!

個湯係老公煲, 三文魚同鷄腳就係我整.

契女媽教整既冬茹棉花鷄又真係好好味.

終於買到鴨蛋, 第一次學整煙燻蛋, 今次唔夠流心, 下次記住唔好烚咁耐先得!

同事見到呢盒鷄脾什菜(西蘭花加栗米)都流晒口水架!

有時都清清地食下白粥, 菜甫同包包.

又係清清地炒下魚崧九菜花.

好耐冇去雲泉, 今次共八人可以叫八樣菜式, 唔知係咪太耐冇食, 所以覺得特別好味呢!

當日雲泉d花花開得超靚, 個個都係咁影好多靚相.

早兩日係正日生日, 一早契女一家陪我食早餐, 真係多謝晒契女爸爸請客. 之後買個靚榴槤同焗個開心笑蛋榚同自己慶祝. 晚上就出旺角食飯, 今年收好多生日禮物, 真係多謝晒老公, 家人, 契女家, 好友們送既祝福同禮物呀!

18號同好友們打邊爐.

19同20號同老公廣州兩日遊.

21號晚同呀大呀妹旺角晚飯.

肥豬腩

妹妹: 喵! 快D上床陪我玩啦!
我    : 我仲有好多嘢未做呀!
妹妹: 我自己一個瞓唔著呀!
我    : 妳由早瞓到晚, 夜晚梗係瞓唔著啦!
妹妹: 係呀! 所以咪叫妳陪我玩!
我    : 冇妳咁得閒, 妳自己玩飽去啦!
妹妹: 最多我反個肥腩俾妳睇, 妳同我R下痕啦!
我    : 妳個肥豬腩又真係好肥喎~~

大家好嗎! 足足有一個月冇見大家啦! 係咪掛住妹妹多過掛住我呢? 唔駛問一定係啦! 所以早有準備, 以下全部都係妹妹既相, 睇完包保大家開心晒架!

妹妹話: 節瓜魚尾湯白雪雪真係好妹飲架!

有冇攪錯, 出街食燒鵝都唔留一隻脾俾我食!

好得意呀! 蛋榚上面有條魚魚圖案喎!

點解逢星期日都係食麵麵架?

清清地節瓜咸蛋湯, 冬菜蒸魚腩又一餐都唔錯呀!

條鱸魚好大條! 食唔食得晒呀?

又試開飯都唔叫我, 有冇攪錯!

睇完吾淑吾食又學人煮檸檬鷂翼. 不過又真係幾好食喎!

一個人食都煮煲仔飯再蒸條魚毛, 仲正過兩個人食既?

唔煮飯耐唔久食下壽司真係ICHIBAN既呢!

 兩碟都係魚, 正呀!

 用電煲仔煮麵又真係快靚正呢!

好耐冇煲湯, 呢碗花膠烏鷄湯夠晒滋潤啦!

我扮皇帝係咪都好英呢?

呀大同呀妹來食飯, 有牛扒, 羊扒, 飽魚, 蠔豉冬菇, 蘿蔔牛肋條, 老火湯......

今集傾住咁多先. 下次再見大家!