發表文章
我 : 唔悶呀!
妹妹: 我想話妳唔悶我都悶呀!
我 : 唔怪得妳眼超超咁啤住我啦! 原來嫌我煩!
妹妹: 人地瞓得好地地又叫醒人影相!
我 : 邊個叫妳咁可愛呀! 所以我先影妳之嘛~
妹妹: 咁唔該妳影快d啦!
我 : 妳依家真係越來越把之閉....
黃金周終於完結真係太好啦! 之前無論搭車, 行街, 返工, 食飯, 買嘢, 甚至屋企樓下大排長龍拎入學申請表....... 通街都係強人, 認真誇張呀!
煲生菜鯪魚球粥, 放工有妹妹陪我食夜粥.
腸仔煎蛋配咖啡做早餐.
咖喱薯仔鷄翼, 老公夠晒創新, 煮咖喱加蕃茄, 但煮出來味道都幾特別. 所以妹妹都聞得好投入覺得好香咁喎!
1至11號只得8號放假一日, 太耐冇見契女真係好掛住佢. 所以上午係上水做完面, 買下嘢, 下午焗批牛油蛋榚仔同係上水買隻文昌鷄俾契女食, 原先契女媽話整生炒骨叫我上佢屋企食, 但佢突然有事煮唔到飯, 所以上契女屋企一陣, 最後係我屋企樓下餐廳食, 契女媽好客氣叫好多食物仲爭住請客.
昨日食午餐行過Pepper Lunch, 見好多人幫襯又聞到香噴噴, 第一次食味道都唔錯, 因好鐘意食佢既配菜夠多, 今次食鷄扒, 下次想食三文魚味.
今日同明日都放假, 老公昨晚話叫我請佢飲茶, 瞓到10點半就出發去上水飲早茶, 之後到圖書館, 因冷氣開到好似雪房咁, 所以只係打一陣書釘就去跑步. 老公一口氣跑十個圈, 而我因太耐冇運動, 要分兩次跑六個圈. 做完運動出身汗又真係好舒服, 成身爽晒!
昨晚都係老公煮飯仔, 鯪魚餅炒洋蔥絲瓜. 放工煲花生麥米黑糯米, 妹妹陪住食宵夜真係好乖架!
上次買兩隻鷄一隻送俾契女 , 一隻打入冷宮; 今日放假一於食鷄, 炒菜心再加冷飯又一餐. 依家煮飯仔時間越來越小, 就快要改名做老公煮飯仔啦! 哈...哈...哈!
明日係重陽節又係我大家姐既正日生日, 祝呀大生日快樂! 身體健康! 每一日開開心心!
其實全世界的貓都是一樣, 走到你處有兩個原因:
回覆刪除1) 肚餓
2) 身痕要你嚤.
其除時間: "請不要騷擾我!"
真係好啱呀! 妹妹成日都要第2呀~
刪除好耐冇見妹妹啦，好似肥左咁既?
回覆刪除係呀! 因為佢主人好忙呀! 佢都係差唔多冇咩肥, 或者係影相角度呢~
刪除近年我都少咗街吃, 簡簡單單自己煮更享受
回覆刪除我都咁話呀! 日日返工都係街食, 真係好厭呀~
刪除妹妹好錫你，餐餐都陪你食。
回覆刪除佢真係幾乖架~
刪除Ｄ咖哩好似好正
回覆刪除老公煮完都自己讚自己整得好食~真係好好笑~
刪除妹妹係咪只食貓糧，你地開親檯，佢都響隔離喎。
回覆刪除其實煮咖哩落番茄係好味D架,
因為佢八掛同鍾意痴住我. 平時我煮未試過加蕃茄, 不過味道又真係唔錯~
刪除我煮咖哩有時都放蕃茄架，仲有椰汁，就係葡國雞了
回覆刪除我未試過呀! 原來加咗味道都唔錯.
刪除妹妹咁靚，影多D都唔悶啦！
回覆刪除佢影相又真係靚過真貓樣架~
刪除都係屋企啲飯餸好食啲
回覆刪除老公成日都係咁講架~~
刪除妹妹真係都聞得好投入呀！！ 睇黎佢好中意e款送
回覆刪除可能佢覺得好香所以要索餐飽呀!
刪除妹妹真係好乖, 我隻貓貓好餵食, 有次趁我睇唔到, 跳上檯食左1/2個日式芝士蛋糕 !!
回覆刪除原來妳都有養貓貓. 初時妹妹都會架, 試過偷一隻鷄翼上牀準備開餐, 好彩我發覺得早. 不過又要換牀單呀~
刪除你老公煮飯仔都似模似樣呀！印度人煮嘅其中一欵咖喱有加蕃茄架你老公好醒呀
回覆刪除最近佢都係自己煮多, 可能咁越煮越叻啦!
刪除你老公真識野！ 我地煮咖喱都有加蕃茄架！ 酸酸地，仲開胃，又有茄红素，人都靓D!
回覆刪除係呀! 原來加咗又真係好特別又好味~
刪除妹妹好似肥左喎!haha..
回覆刪除你又好啦, 食飯有妹妹陪, 影餸又有model!haha..
生菜鯪魚球粥正wor!
可能佢上鏡肥, 真貓都係差不多. 佢成日陪我又真係好sweet架~
刪除邊個煮都無所謂啦，點都係煮家飯，正
回覆刪除係呀! 老公都鐘意係屋企食多d架~
刪除leelee，芙芙家妹豬小姐都成日眼超超ga，
回覆刪除而且同妹妹一樣，越黎越巴之閉呢!
佢地d動靜真係好可愛架! 妳得閒都影下豬小姐眼超超俾大家欣賞下啦!
刪除妹妹咁靚女梗巴閉啦!^^
回覆刪除重要係巴之閉呀~~
刪除我而家好難至留到言.....一入就去咗google+先.....好鬼麻煩....不過為咗探妹妹....煩都唔怕啦
回覆刪除多謝呀! 我都覺得係呀! 所以冇咁好心機寫呢! 我得閒都會成日探您同大家架!
刪除嘩~你D牛油蛋榚仔好吸引咁喎!~
回覆刪除今次焗得唔錯架! 契女地都話好食呢~
刪除妹妹睇電視個樣好得意呀！
回覆刪除